تجمع لأمهات KG1

[center]بسم الله الرحمن الرحيم
[right]السلام عليكم جميعا
اية رأيكم لو نعمل تجمع لأمهات KG1 و نتبادل الاراء و الاستفسارات و الخبرات سوا هنا
و يبقى اتعرفنا على بعض من خلال المنتدى
و نأخد اراء بعض فيما يخص أولادنا لنرتقى بيهم للافضل
اية رأيكم
و شكرا لكم جميعا

السلام عليكم و رحمة الله
هذه فكرة جيدة جدا و لو ان ابنتى فى kg2 و لكى كنت احتاج لبعض النصائح ممن هم مروا بالتجربة قبلى و خاصة فى طريقة المذاكرة و كمها و كيفها.
و فكرة المنتدى جميلة ايضا و خاصة للذين لا يستطيعون المتابعة المستمرة بالمدرسة
ادعوا الله بالتوفيق لكل ابنائنا

السلام عليكم و رحمة الله و بركاتة
اهلا بيكى rahoom دا احنا ممكن نستفيد من خبرتك كتير
و بالمناسبة بتودى ابنك او بنتك المدرسة اليومين دول ولا اية ، فى ظل الظروف القائمة
انا بصراحة بطلت اودية من يوم الاحد الى فات من ساعة ما قالوا عن اول حالة ظهرت و فى نفس الوقت متضايقة انه غايب بس اعمل اية
قدرهم كدة السنة دى
ربنا يحفظهم

اهلان بيكى و الله انا كمان مقعدة الولاد من المدرسة و باحاول اذاكر لهم بعد الشغل و ربنا يقدرنا بس فداهم الدنيا كلها و يبعد عنهم الشر .بصى انا مصورة البوكليت و باعمل لهم شيتات يحلوها وانا فى الشغل
وبس طبعا السيطرة عليهم صعبة جدا و ربنا المعين.

السلام عليم ورحمة الله
اهلا بيكم يا dandona و rahoom
انا كمان بنتي في kg1 في المدرسة و وكنت مقعداها في البيت طول الاسبوع اللي فات من اول ما ظهرت أول حالة وكنت بعؤف هم خدوا ايه في المدرسة وبعمله معاها في البيت .. بس دلوقتي خلاص المدرسة اجازة لحد العيد .. وربنا يسهل والسنة دي تعدي على خير ويبعد عن ولادنا كل سوء

السلام عليكم جميعا اتمنى تكونوا بخير انتوا و ابنأكم يا رب
و اهلا بالاصدقاء الجدد معانا
انا بردوا كنت بطلت اودى ابنى من يوم الاحد 15/11 مع ظهور اول حالة
بس كويس ان المعهد قفل عشان يبقى فرصة ان الكل يقعد فى البيت لفترة طويلة
و كل سنة و انتوا طيبين بمناسبة العيد
بس انتوا اية رايكم حترجعوا الابناء المدارس بعد العيد ان شاء الله
انا كان فى نيتى لما قعد ابنى اول مرة من المدرسة انى ابقى ارجعوا المدرسة تانى بعد العيد بس مش عارفة اخد قرار
الموقف اصلة صعب
و مش عايزة يفوتوة حاجات فى الدراسة بردوا الشرح من المدرسين مع اطفال اخرى بيبقى مختلف عن البيت و بيبقى فى جدية اكتر
انتوا رايكم اية
و شكرا

السلام عليكم و رحمة الله
احمد الله تعالى على هذا التجمع و هى فكرة ممتازة من المدرسة ان تطبقها كى نتبادل الاراء و كى يصل للمدرسة صوت اولياء الامور بمنتهى السهولة.أما بالنسبة لعودة الاولاد بعد العيد خلينا نسبها لحد ما نشوف الدنيا ماشية فى البلدازاى و خاصة ان كمان اسبوعين الدنيا حتبرد أكتر بس يا جماعة المفروض نطمئن على الحالات اللى ظهرت فى المدرسة و يا ريت يكونوا بيتابعوا المنتدى او اى حد عارفهم يطمنا على الاولاد و ممكن حتى نحاول نوصل لهم دعواتنا بالشفاء يا رب و ممكن كمان يشرحوا لنا اللى حصل لهم بالظبط عشان نقدر ناخذ احتياطنا لاولادنا .

وجدت فكرة أخرى قدمتها مدرسة النصر للغات و هى انهم وضعوا المنهج الدراسى مشروح من برنامج يسمى الاستاذو أعطى كل طالب كلمة سر يدخل بها كى يستطيع مشاهدة شرح الدروس.و بحثت فوجدت الSITE هو http://www.elostaz.net/default.aspx
و وجدت انه لتفعيل لابد من شراء كارت ب 150 جنيه صالح مدة 6 أشهر و يمكن متابعة كل المواد الدراسية لكل المراحل الدراسية.
ا
لموزعين داخل جمهورية مصر العربية
http://www.pclabacademy.com/distributors.aspx?country=1&city=8


و كذلك وجدت SITE ظريف جدا لتعليم اللغة الانجليزية بالسن
http://www.englishexercises.org/
يقدم صفحات يمكن الحل فيهاONLINE

و ربنا معانا جميعا لتجاوز هذه المحنة و ليحفظ ابناءكم و ابنائ من كل شر.

[b]

السلام عليكم ورحمه الله وبركاته
انا سعيده اوي بالجروب ده وبمشاركتكم في المنتدى عموما خصوصا ان مش كل الامهات بتقدر تيجي للمعهد بصفه دائمه او تتعرف باولياء الامور ، والجروب ده هيوفر فرصه هايله للتعرف على صديقات واصدقاء ابنائكم او بناتكم وطبعا التعرف على عائلاتهم كمان . مع خالص تحياتي للجميع

الاستاذة الفاضلة داليا الامام
أمرحبا بك فى تجمع امهات الKGS نا والدة لطفلين بالمدرسة تسنيم kg2 و محمود بالصف الثالث و لا اخفى عليك حب الاولاد الشديد للمدرسة و الحمدلله
و إعجابى الشديد بمنهج التجويد الذى استلمته ابنتى لانه لم يكن موجودا عندما كان محمود فى kg2 .

ووجدت ان هذه فرصة لمناقشة حضرتك بخصوص منهج KG2 و خاصة انى لم الاحظ اختلاف بين بوكليت محمود منذ ثلاث سنوات و بوكليت تسنيم بالرغم من اختلاف منهج الانجليزى مثلا من Mr. BUG إلى YOU and Me فاضطر لعمل واجب اضافى لابنتى حتى يتسنى لها حفظ الكلمات الجديدة بالدروس.و خاصة انه بداية من اولى ابتدائى سيكون من المطلوب منها القراءة و الكتابة للدروس و الاملاء ايضا فلو لم تستعد الان سترهق العام التالى .

و ملاحظاتى من مدارس أخرى غير الغد المشرق
مثلا فى مادة اللغة العربية:
لقد وجدت ان كم تدريب الاولاد على المعلومة الواحدة كافى فى الواجبات المدرسيةمثلا نعرف ان التكرار يعلم الشطار و ما لاحظته لديهم مثلا :
1- كل صفحتين متقابلتين من صفحات البوكليت يكتب الطفل من حرف الالف الى الياء أعلى الصفحتين فلو كتبها الطفل يوميا لابد انها ستثبت فى ذهنه.
2- الحرف الواحد يرى الطفل انه يمكن وضعه فى اول الكلمة و وسطها و آخرها و ايضا بحركاته الفتح والكسر و الضم مثل باب - بنت -برتقالة فى نفس الوقت و يتم التطبيقين على كل حرف و يكتب الطفل الكلمات مما يزيد من كم الكلمات التى يعرفها الطفل فى هذا السن.

ارجو الا اكون قد أزعجتك باقتراحاتى و أدعو الله لكم بالتوفيق
جزاكم الله خيرا



.

[b][center]السلام عليكم و رحمة الله و بركاته
شكرا للاستاذة الفاضلة داليا الامام على مداخلتك لنا
و الفضل يرجع للمدرسة لأتاحة مثل هذة الفرصة لنا جميعا

و بالمناسة لى سؤال : لماذا لم يتم تسليم كتب الوزارة لأولادنا فى kg ؟
لانى اعلم ان المدارس الاخرى قد استلموها
ولو حتى للاحتفاظ بها فى المنزل لانى اعرف ان لا يمكن الاعتماد عليها ولكنها مساعدة للاولاد

فهل هى موجودة بالمدرسة أم لا ؟ و كيف يمكن الحصول عليها ؟

و شكرا لمجهودكم

اهلا بيكي يا دندونه ، فعلا هى فرصه جميله اننا نتكلم هنا ،وانا تحت امركم في اي استفسار ، بخصوص الكتب بقى فاحنا كنا فعلا بنستلمها ونشتغل بيها مع الاولاد الا انها في الحقيقه بدائيه جدا وغير مفيده علشان كده بطلنا نشتريها من سنتين ، وماانصحكيش انك تشتريها بصراحه لانها مش هتفيد بس عموما لو انتي عاوزه فهى بتباع في مخازن وزاره التربيه والتعليم

اهلا بيكي يا رهوم وانا سعيده بمناقشتنا دي وباستفساراتكم واقتراحاتكم ، وسعيده ان منهج التجويد عجبك وان شاء الله كل ما نقوم بتطويره يعجبكم ، اما بخصوص المنهج اللي ذكرتيه فاحنا فعلا كنا بندرسه من حوالي 6 سنوات لكن محصله المنهج ده ان الطفل بيحفظ شكل الكلمه اللي بيدرسها زي مثلا أسد - إبره -أم ودي كانت كلمات حرف الألف على ما اذكر وفي نهايه السنه بيكون الطفل حافظ لعدد من الكلمات قراءه وكتابه لكن ده في الحقيقه مش كفايه لانه محتاج يفهم ازاي يقرأ مش يحفظ شكل الكلمه وبس وعلشان كده بطلنا ندرس المنهج ده وبدأنا ندرس بطريق الصوتيات اللي متبعينها حاليا وهى تعليم الطفل اصوات الحروف كلها بالفتحه ثم بالضمه ثم بالكسره وبعد كده ربط الحروف لتكوين كلمه وكده يقدر الطفل يقرأ اي كلمه في نهايه العام ان شاء الله ، ولو لاحظتي هتلاقي ان دي نفس طريقه تدريس اللغه الانجليزيه في كتاب ( smart phonics) ، يارب اكون قدرت اوصل وجهه نظري وفي انتظار ردك .

الأستاذة الفاضلة داليا الإمام
جزاك الله خيرا على اهتمامك بالرد عن تساؤلاتنا. و لدى حضرتك حق فى ان الاولاد لا يحفظون شكل الكلمات و الدليل انى بعدما اخذو الحروف بالفتح جعلت ابنتى تقرأ حوالى 24 فعل غير المقررين عليهم مثل طلع - وزن- هدم .....و الحمد لله استطاعت قرآتهم بطريقة الphonics.
و لكن اقتراحى هو تطوير البوكليت عموما
فمثلا بوكليت ال math المطلوب كتابة الارقام بالحروف و لكن المسافة بين السطور الاربعة كبيرة جدا و لكى يكتبها الطفل يتعود على الكتابة بخط كبير ثم يبدأ الكتابة فى الكراسة فنقول له لابد ان تكتب الحروف بين السطرين المتوسطين و مسافة الكراسة اصغر بكثير من البوكليت . فأجدنى أقول لها فى البوكليت كبرى خطك لان الحرف لازم يتكتب بين السطرين و فى الكراسة صغرى خطك لان الحرف لازم يتكتب بين السطرين.

عذرا للاطالة و ارجو ان يتسع صدر حضرتك لرسائلى و جزاكم الله كل الخير

السلام عليكم ورحمه الله وبركاته
عندك حق فعلا في وجهه نظرك دي وياريت لو عندك ملحوظات اخرى انتي او اي من الاخوات اولياء الامور تبعتيهالي كلها علشان لو ابتدينا تطوير البوكليت العام القادم نقدر نستفيد منها .

الاستاذة الفاضلة داليا الامام
جزاك الله خيرا و ان شاء الله سوف أجمع لحضرتك أفكار لتطوير البوكليت و اعرضها لك و شكرا لسعة صدرك

الأستاذة الفاضلة داليا الأمام
اود ان اشكر جميع اقسام الkg و قسم الكمبيوتر طبعا باشراف حضرتك على النبتة الجميلة التى وضعتوها كمنهج أسبوعى لاولادنا فقد استمتعت ابنتى جدا بعرض البوربوينت فى العربى و الانجليزى و ندعوا الله لكم بالتوفيق و الاستمرار.
ريهام شاكر

السلام عليكم جميعا

أحب ان اشكر أسرة الKG جميعا على شيتات المراجعة و فيلات البور بوينت الجديدة فهى فعلا رائعة ,و جزاكم الله خيرا, و نحن نطمع فى المزيد فلا تنسونا.

و على فكرة لأمهات أطفال الKG أنا علمت من أم فى المنتدى عن ظهور حالة بنت فى فصل crocodile و انا لسة بتصل بالمدرسة عشان اعرف بالضبط بس بيدينى مشغول فألى يعرف حاجة يبلغنا.

و عندى سؤال للقسم لماذا لم يتم تحديث البيانات الخاصة بظهور حالات جديدة فأرجو الاهتمام بتلك النقطة

و شكرا

جزاكم الله خيرا ، وان شاء الله سيتم رفع جميع المواد بنفس الشكل مره او مرتين اسبوعيا فتابعوا الموقع ونحن في انتظار تعليقاتكم او استفساراتكم ان وجدت ، اما بخصوص تاخر التحديث فلقد كان بسبب بعض المشاكل في شبكه النت لدينا والحمد لله تم حل المشكله ، ادعو الله ان يثمر هذا العمل ويساعد على تجاوز بعض من اثار المشكله التي نعاني منها جميعا وان يحفظ ابناءنا من كل شر .

فعلا ما شاء الله الـ power point اللي نزلتوه عالموقع جميل جدا وشد دانة اوي وكل شوية عايزة تتفرج عليه وده اكيد هيسبتلها المعلومات جزاكم الله خيرا

السلام عليكم ورحمة الله وبركاته
كل عام و الامة الاسلامية بخير وسلام
ابنتى فى kg1 وتغنى اغنية عن سيدنا ابراهيم واسماعيل
فان كان حد عريفها يا ريت يكتبها ويكون له جزيل الشكر
وان كان هناك اناشيد اخرى تم اخذها فى المدرسة

وشكرا وجزاكم الله خيرا

السلام عليكم ورحمه الله وبركاته
غدا ان شاء الله ساحضر لكي كلمات النشيد التي طلبتيه يا اخت مريم .
وكل عام وانتم جميعا بخير