الي من لديها ابن في اولي ابتدائي لغات

السلام عليكم .
وجهة نظري في المعهد انه معهد ديني محترم و انا لما نقلت هنا التجمع كنت بدور علي مدرسة تكون نوعا ما قريبة من البيت علشان برضوا الأولاد ما يتبهدلوش. فسألت و استطلعت رأي ناس كتير وفي الآخر قررت اودية ازهر فقمت بزيارة المعهد و عملت جوله و اتفرجت عليه و بصراحه خرجت من عندهم و انا مستريحه للمكان دا و سألت كل اللي اعرفهم عن احسن المعاهد الأزهريه فقالولي لو عايزة تكملي ازهر مفيش غير الغد المشرق .. هو احسن كل المعاهد الموجودة لأنه اقدمهم و اصبح عندهم خبرة كبيرة في هذا المجال و بيعرفوا يديروا المعهد كويس .
انا ابني في سنه اولي ابتدائي لغات .اول سنه في المعهد.. شهادة حق المدرسين ممتازين انا حتي طلبت منهم نمر تليفوناتهم و بيردوا علي في اي استفسار بالنسبه للولد . و كمان اول ما اسأل في كراسة المتابعه واستفسر عن شئ يردوا عليا في نفس اليوم في الكراسة .. ربنا يبارك ليهم و هما فعلا بيهتموا بالأولاد. و انا طبعا باتابع زي كل الأمهات لازم كل يوم تحفظي القرآن و تراجعي مع ابنك بيتهيألي دا عادي وهو المفروض نعملة مع اولادنا .. وانا كنت خايفه في الأول من المدرسة لكن الحمد لله الولد بيتعود علي النظام دا وبيتهيألي بالكتير العام القادم هيكون اتعود علي النظام بتاع الأزهر.
أتمني اكون افدتك.
انا تحت امرك لو عايزة تسألي عن حاجه تانيه..

السلام عليكم
بالنسبه للغه انا ابني لغات الحمد لله .. المدرسين بيشرحوا بالانجليزى عادي و الأولاد بيتعودوا علي اسلوب المدرسة . و انا اعتقد انهم فعلا كويسين جدا في اللغه بيبان من نطق الأولاد في البيت و بعرف كمان مدي استيعابه للدرس اما براجع معاه و احل الواجبات .

اتمني اكون ساعدتك. شكرا

[انا ام يوسف احمد علاء 1h اول مرة افتح المنتدى من شهر, وسعيدة لانى من يوم ما ابنى دخل المدرسة لم اعرف له اى صديق و لم احضر له meeting هوه نمره 2 دايما كده مظلوم

السلام عليكم
اهلا بيكي يا ام يوسف و مرحبا بكي معنا في تجمع أولاد أولي ابتدائي. انا ابني في 1I .
انا تحت امرك في اي استفسار .
شكر جزيلا

السلام عليكم أنا بنتى سميه فى فصل 1fويسعدنى التعرف عليكن والتواصل معكن

[طبعا هيا فكرة ممتاز ة :وسوف تتيح لنا فرصة التواصل و تبادل الافكار المفيدة والهادفة ويسعدنى الانضمام اليكم انا إبنى فى k 1

السلام عليكم
اهلا بك معنا يا ام سميه و ربنا يخليهالك و يحميها...... واهلا بآيه أيضا
أتمني لنا جميعا الافادة و لأولادنا.
شكرا جزيلا