السلام عليكم
بصي يا اختي انا كمان زعلانة من زيادة المصاريف لكن انا لي تحفظ على استفسارك
طبعا احنا عارفين ان المنتدى ده المدرسة عملته عشان نتواصل مع بعضنا كأولياء امور
وكمان مع المدرسة وانا شايفة انه مش من العدل انك تيجي تسألي عن اماكن منافسة للمدرسة (اللي هي صاحبة الموقع ده والمنتدى ده)في الموقع بتاعها!!
يعني اعرف ان في اماكن ومنتديات كتير للي عايز يسأل عن مدارس وياخد معلومات لكن اكيد مش من المنتدى ده ومش من الموقع ده
ارجو انك تكوني فهمتي قصدي وما تزعليش من ردي بس حسيت ان دي امانة ولازم اوصلها
وانا باضم صوتي لصوت اولياء الامور الغضبانين من زيادة المصاريف خصوصا ان عندي ولدين في المدرسة زيك والمصاريف السنة الجديدة حتكون عالية علينا اوي
ربنا يسترنا جميعا ويقدر لنا الخير