تجمع لأمهات KG1

شوفي كده يا اخت مريم لو كان هو ده النشيد اللي طالباه والا لا
درس يبقى ولن ننساه كيف يطيع الابن اباه
لما امر الله نبيا ان يذبح ابنا يهواه
فاتى لابنه كي يخبره فاطاع الامر ولباه
قال يا أبتي لا تتردد وافعل ما قدر امر الله

شكرا وجزاك الله خيرا يا ميس داليا
هو ده فعلا النشيد

ولكنى احب اسال هو المفروض هنعمل ايه مع الاولاد فى البيت فى فترة الاجازة ؟
وربنا يشفى كل الاولاد الى ظهر عليهم المرض بسرعة ويطمن اهلهم عليهم

جزانا واياكم يا اخت مريم
وبخصوص الايام المقبله فانا ارجو منكم محاوله الالتزام بالاتي :
1- لو كان مع اي منكم ارقام تليفونات لاولياء امور زملاء وزميلات ابنائكم في المرحله ياريت تبلغوهم ان العروض الباور بوينت دي مهمه جدا لانها هتشرح اجزاء من المنهج جديده فياريت نتابعها والاطفال تتفرج عليها اكتر من مره .
2 - بعد ما الطفل يخلص اي عرض من عروض الباور بوينت دي ياريت يحل التدريبات المتعلقه بيها في كتب الحصه والواجب وهنعرفكم الصفحات المطلوبه في نهايه كل عرض باور بوينت .
3 - لو اي حاجه كانت صعبه على الطفل او ما قدرش يستوعبها من العروض دي ياريت تبلغوني هنا وانا ان شاء الله هاحل المشكله دي .
4 - ياريت الاطفال تحل المراجعات اللي بتنزل بصفه مستمره على الموقع لانها هتساعد ان الطفل ما ينساش اللي خلص من المنهج .

ويارب الازمه دي تعدي بقى علينا وعلى كل الاطفال واسألكم الدعاء للاطفال والمدرسات الذين اصيبوا بالشفاء العاجل

السلام عليكم ورحمه الله وبركاته

جزاك الله خيرا يا ميس داليا
وربنا يبارك لك ويجعله فى ميزان حسناتك فانت بحق مثال للمحب لعمله ومتقن له

ربنا يوفقك ويجزيك خير الجزاء

السلام عليكم ورحمه الله وبركاته
هارفعلك النشيد المطلوب ده بكره يا دندونه
قبلاتي للاحباء الصغار اطفال المرحله وياريت تبلغوهم انهم وحشونا اوي

السلام عليكم ورحمة الله وبركاته يا اخت dandona
النشيد اللى طلبتي
If you,re happy and you know it
(2) Clap your hand
And you really want to show it
If you,re happy and you know it
Clap your hand

node your head -
stamp your feet
turn around
say horray
وبعد كده فى كل مره تغيرى
ىعنى مثلا اول مرة هنقول بClap your hand
وبعد منخلص نعيد تانى بس بقى بnode your head - وهكذا لغابه من خلص كلهم الاربعة
وبالتوفيق

السلام عليكم ورحمه الله وبركاته
للاسف الشديد هاتاخر شويه في حكايه الاناشيد وموضوعات التربيه الفنيه لاننا اجازه كلنا حاليا ، لكن ان شاء الله ارفعهم على نهايه الاسبوع ان شاء الله .
بخصوص امتحان الكمبيوتر فليس هناك امتحان لاطفال الكي جي سواء لمنتصف العام او لاخر العام
في انتظاركم جميعا يوم الاحد القادم الموافق 3 يناير في اجتماع اولياء الامور
مع خالص تحياتي

السلام عليكم ورحمه الله وبركاته
عذرا يا اخت دندونه فلم ادخل على المنتدى منذ ايام .
بخصوص سؤالك عن الدراسه فهى لن تبدأ يوم الاحد وللاسف لن استطيع تلبيه طلبك بخصوص جمع الاطفال مع مدرسه او مشرفه وذلك لان جميع مدرسات ومشرفات المرحله في اجازه .
وسيتم تحديد موعد بدء الدراسه في اجتماع يوم الاحد ان شاء الله .
في انتظاركم جميعا .
مع خالص تحياتي

السلام عليكم
انا سألت وانا في المدرسة واكدوا ليا ان اللي في الاسطوانة هو نفسه اللي علي النت يعني اللي مش عارف يفتح الحاجات اللي علي النت يستخدم الاسطوانة

السلام عليكم ورحمة الله وبركاته

رجاء هام من أولياء امور مرحلة kg1 ألى استطاع يحمل عرض البور بوينت الخاص بحرف J j لو ممكن يحملهولنا كا attach file يبقى جزاة الله خيرا
و شكرا للجميع

ولو ممكن استاذة دعاء تقولنا أذاى و لو ينفع ولا لأ
شكرا

السلام عليكم ورحمة الله وبركاته
أولياء الأمور الأفاضل

تم رفع Letter Jj مرة أخرى على موقع الحضانة

وسوف يترك على الموقع فترة كافية حتى تتمكنوا من تحميله
ولكم جزيل الشكر على تقديركم وشكركم
ونسال الله لجميع ابنائنا التوفيق والنجاح

جزاكم الله خيرا ولكني لا اجده علي الموقع ولا اجد اي تجديد بعد حرفk