بالنسبة للتطعيم ,أنا مش ناوية اديه لبناتى
!انا قرات فى الاخبار عن الاعراض الجانبية له وهى أخطر من الانفلونزا : السرطان
كمان اللى هايدوه للاطفال ده لقاح وليس مصل
والفرق ان اللقاح عبارة عن نوعين اما فيروس ميت او فيروس ضعيف وهو يعطى علشان الجسم يعمل اجسام مضادة للفيروس والحكاية دى تحتاج حوالى شهرين يعنى على ما يعمل مناعة يكون الاطفال خاضوا الفترة الحرجة بدون مناعة يبقى لزومه ايه التطعيم
الحاجة الثانية انه لو فيه طفل مناعته ضعيفة او عنده مرض تنفسى او حتى جاله العدوى واحنا مش عارفين يبقى التطعيم ده خطر عليه لو كان من نوع الفيروس الضعيف يعنى لازم الاول نكشف على كل طفل علشان نحدد اذا كان يناسبه النوع الاول ولا الثانى
اما المصل فهو الاجسام المضادة للفيروس مباشرة وهى تاثيرها مش طويل لكن فورى يعنى لو كانوا عايزين يحموا اطفالنا كان المفروض يجيبوا المصل مش اللقاح
وعموما الفيروس اساسا غير من شكله يعنى سواء المصل ولا اللقاح الاثنين ماحدش يعرف اذا كان هايبقالهم فايده ولا لأ على حسب درجة التغيير
وكمان قرأت فى الاخبار ان فيه شركة سحبت التطعيمات التى انتجتها من السوق الامريكية لانها لن تعطى نتائج مؤكدة مع الاطفال
وتوجد تصريحات من مستشار وزير الصحة الاسبق ان التطعيمات لها اثار جانبية خطيرة على الاطفال وتظهر بعد سنوات واننا نستهلك الفائض الاوروبى لان الاوروبيين لم يقبلوا استخدامه
يعنى بدل ما يترمى فى الزباله صدروه لنا وكسبوا فلوسهم واحنا بقى لنا الله !!!!!!!!!!!! زمن
الصفحة الموجود فيها التصريحات على أخبارك دوت نت
كتبت - علياء علي: أكد الدكتور صادق عبدالعال مستشار المرحوم الدكتور علي عبدالفتاح وزير الصحة الأسبق، ان مصل إنفلونزا الخنازير الذي تنوي وزارة الصحة تطعيم تلاميذ المدارس به تسبب في بعض الأمراض العصبية أثناء استخدامه بالولايات المتحدة الأمريكية لأول مرة عام 1975، ومن بينها أمراض الشلل العصبي، والتوحد لدي الأطفال. أشار الدكتور عبدالعال إلي ان هذه الأعراض تظهر بعد مرور سنوات، وتساءل عن سبب هذا التخبط داخل وزارة الصحة، واصرارها علي الطعم رغم انها رفضت اعطاءه للحجاج قبل تحرير اقرار بالموافقة، وعلي مسئوليتهم. وكشف الدكتور عبدالعال عن سحب 800 ألف جرعة من اللقاح بالولايات المتحدة الأمريكية، وسحب 4 ملايين جرعة من نفس اللقاح منذ يومين، واعتراض منظمة الدواء والغذاء الأمريكية علي هذا اللقاح حتي الآن، مما دفع وزارة الصحة إلي استيراد اللقاح من أوروبا، وليس الولايات المتحدة. وأكد د. عبدالعال ان اللقاح موجود بأوروبا بكثرة، وبفائض كبير بسبب عزوف الأوروبيين عن تناوله. كما ان دولة مثل كندا تعطي اللقاح للسيدات الحوامل بدون المادة المساعدة (Edgyvant) المضافة للقاح خوفا من الآثار الجانبية. |
|
كل ده خلانى اقول بشدة لأ للتطعيم الإجبارى للأطفال
إيه رأيكم